بلوچستانءِ ھند ڈیرہ بگٹیءَ ریموٹ کنٹرولءِ سرا بمبے تراکینگ بوت و إیشیءِ سببا فوجی گاڑییے تباہ بوت۔ گاڑیا سوارین فوجیانءِ نیاما 2 کشگ بوت أنت و 15 کس ٹپّی أنت۔ إنتخاب شنگ بیتگین حالا آتکگ کہ چارشنبہءِ روچا (مرچی) فوجیان پرّین گاڑییے پرتر مانترّا بوتگ کہ ریموٹ کنٹرولءِ سرا بمب تراکینگ بوتگ۔
بمبتراکا گاڑیا سوارین نصیر أحمد و محبوب علی نامین دو فوجی جاہ پہ جاہ کشتگ أنت، و پانزدہ ٹپّیانءِ نیاما پنچ کسانءِ جاور نگیگ أنت۔
بلوچستان رپبلکن آرمیءَ بمبتراکءِ ذمہ وتی سرا زرتگ۔ بی آر إےءِ گوانکو سرباز بلوچ گشتگ 'بمبتراکا حوالدار أمجد و دگہ سئے فوجی کشگ بوتگ أنت'۔
یک بے میارین بلوچے ھم رگزا آتکگ کہ آئی کشگ بیگ سرا بی آر إے أفسوز کتگ۔ سرباز بلوچ گيئش کتگ کہ فوجی گاڑیانءِ کش گورا بلوچ مہ اوشت أنت، پرچا کہ فوجی گاڑی مدام سرمچارانءِ نشانءِ دپا أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت