بی إل إےءِ گوانکو بیورغ بلوچ جار پرّینت کہ پاکستانی سرکارءِ خلافا یک نیمگی جنگبندی آوان خلاص کتگ و چدا پد سرکاری إدارہ و کارمندانءِ سرا بیڑ برگ إبیت۔ بی آر إے نامین دگہ بلوچ سلاحبندین بلوچ تنظیمےءَ گوستگین ھفتگا وتی جنگبندی خلاص کتگ أت۔إے وھدی پہ بلوچستانءَ سلاحبندین جنگے دیما بروکین تنظیم بی آر إے، بی إل إے و بی إل إف ظاھر أنت۔ سئین سلاحبندین نتظیمان گوستگین سالءِ گڈی ماھان جار جتگ أت کہ تنا وھدی آوانءِ سرا حملہ کنگ مہ بیت آ سرکاری واک و بنجاھانءِ سرا بیڑ نہ بر أنت۔
بی آر إے و بی إل إے وتی نوکترین جارانءِ تھا گشتگ کہ بلوچستانءِ سرا پاکستانی فوج أنگت حمله کنگا إنت و بلوچ دشمنین پندل دیما برگ بیان أنت، پمیشا آوانءِ ذمواری إنت کہ پہ وتی مردم و سرڈگارءِ رکـّینگا پدا سرکارءِ خلافا تفنگان چست بہ کن أنت و پندلانءِ دیما به دار أنت۔
جنگبندیءَ خلاص کنگءِ بی إل إےءِ جارا پد بلوچستانء دو دمگان یک یک پولیس أفسر کشگ بیتگ۔
روچتاک إنتخابءِ ردا مشکےءِ گجر بازارا نقاب پوشین موٹر سائکل سواران قادربخش چکّءِ شاہ بیگ نامین أفسرے تیر جتگ و کشتگ۔ آنگو کوئٹہءَ عبدالحکیم نامین پولیسے تیرانءِ دپا دیگ و کشگ بیتگ۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت