مغربی بلوچستانءِ شھر زاھدانءَ إیرانی واکانءِ دستا گوستگین شنبہءِ روچا درتکگین جلال أکبر ألویشیءِ أصلی نام جلال أکبر شیرانی بوتگ و بلوچستانءِ مزنتین ٹک شیرانیءِ سردار کٹمءِ اؤبادگے بوتگ۔ آ مان دبئی جاہ منند بوتگ و جلال أکبر ألبلوشیءِ ناما ھمودءِ پاسپورٹے گون ئی بوتگ۔ وتی نادراھین ماتءِ چارگا تھرانءَ رسگءِ درگتا آ دستگیر و بندیگ کنگ بوتگ کہ شنبہءِ روچا وتی گورا ڈرگ إیر کنگءِ إلزاما پاھو دیگ بوت.
بلوچستان إستمانی گلءَ شنگ بیتگین حالے نبشتہ بوتگ کہ جلال أکبر مان دبئی وتی جاہ منندیءِ وھدا پہ إماراتءِ هوائی فوجا کار کتگ، ألبت بلوچستانءِ سیاسی جاورانءِ سببا فوج تھا کار ئی أنگار کتگ و بلوچستانءِ سرا زوراکیانءِ خلافا جھدئی گيئشتر کتگ۔
إیرانی واکانءِ دستا آئیءِ دستگیری و پدا پاھو دیگءِ إیوکین سبب، اُستمانی گلءِ ردا گون إیرانی چاریگان ھؤرکاری نہ کنگ بوتگ۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت