بلوچ راج یکـّے چہ راجان إنت کہ وتی وفاداریءِ سرا پھربندیت۔ بلوچءِ تاریخءَ باز جاھاں ودی إبیت کہ تاسے آپءِ بدلا آواں وتی سرجمیں عمرا وفا کتگ۔نوکیں دئورا بازیں درامداں بلوچءِ بزگی و پدمنتگی مارتگ أنت و وتی إنساندوستیءِ سببا چہ وتی نیمگا، و وتی ھَوبتا یکـّے نہ یک پڑےءَ په بلوچءِ شرتریءَ کارے کتگ إش۔
إیشانءِ مھربانیانءِ بدلا أبید چہ منـّت گرگ و آوانءِ إحسانمند بیگا دگہ چیزے بلوچءِ گوَرا پہ دیگا نہ بیتگ۔ پمیشا إے پڑا بلوچان بخیلی نہ کتگ۔ و مدام إیشانءِ إحسانمند مان أنت۔
یورپی جنین آدمانءِ نیاما بانک کارینا جھانی بلوچی زبانءِ سرا وتی کتگین کارانءِ برکتا بلوچانءِ توکا باز عزت کنگ بیگا إنت۔ و بازیں کس آئیا راجی گھار منـّگا أنت۔
بلوچ جھدکار واجہ فیض بلوچءِ وکالتا کنگءِ درگتا برطانیائی کورٹءِ دیما بلوچانءِ مشکلاں ألکاپین وڑےءَ بیان کنگءِ سببا دگہ یک جنیں آدمےءِ ناما مرچان بلوچ په أدب گرگا أنت۔
إے بانکیں جنیں آدم ھلینا کنئڈی إنت کہ هنون چه بانک کارینا جھانیءَ رند بلوچ چاگردا نامدارترین یورپی جنیں آدم زانگ بیگا إنت.
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت