دلگوش کرزین گپے إنت که چاھبھار يک ٹوھین شھرے إنت۔ بلے تنی وھدی اودءِ مخلوق أچ بے آپيا رنج برگا أنت۔ إے سرکارءِ مھربانی إنت کے ھنوگيں دورا که دنياءِ مردم آسمانءَ تر تاب کنگا أنت، بلوچ أچ ورگی آپ بے بھر أنت۔إيرانی سرکارءِ پروگرام که أچ پيشين سدّا چاھبھار و دشتياری مردمان سير وشيں آپ بہ کنت، بے پکار بوت۔ پرچا کہ پیشن سد سک دير إنت۔
لھتے لولھ أچ پيشين سدّا بگر تا چھبار سرکارا چيرگپتگ إتنت. آوان ديرگوَستگ و زنگ گپتگ إتنت۔ کموک کار إش کہ کت، گوستگین ھوراں رند أچ کارا گپت أنت۔ نون پہ بيھا گار گم أنت۔
سرکار گشیت کہ ھفت سال إنت ھور نھ بيتگ۔ ألما إے دروغيں گپے إنت۔ دوسال إنت کہ ھمنچوک ھوربيتگ کہ سد أچ آپ سررتکگ۔ إے آپ ديم پھ دشتياریءَ ويل إنت۔ سرکار جار جنت کہ ڈکال إنت۔ گڈا إے آپ أچ کدام نيمگا پیداگ إنت؟
ھنوں چاھبھارءِ مخلوق شپ و روچ يک کلاکےءَ آپ گند أنت، ألبت إے آپ ھنچوش بو کنت کے ورگا نہ أرزیت۔ إے غيربھداشتی آپا أگر کسے به وارت، گڈا سر ئی ماں ھسپيتالا کپیت ۔
ھنوگاں سرکارا مردم پدا دلبڈی داتگ کہ کنرکءِ أھدی آپ شيرين کنوکین پلانٹا أڈ کنت، بزان "مہ مر إت ميشاں کہ ملک بھار إبيت"۔ إے پلانٹ شاہءِ دھرا مک کنگ بوتگ کہ تنے وھدی کارمرز نہ بيتگ۔ أگر اُستاندار و فرماندار إے پلانٹا وتی ناما بہ کن أنت، آوانءِ دپاں ڈوکے بہ لگـّات۔
ھر کس سرپد إنت کہ اُستاندار و فرماندار پھ خرابکاریا پول خرچ کن أنت، پھ بلوچءِ گارگمساريا پول خرچ کن أنت وماں چاھبھارا نندوکيں گجرانءِ واستا أچ تھران (معدنی آپ) لوٹائين أنت۔ بلے پہ بلوچان دل إش نہ سچیت۔ بلی تورین إے جدید دورا بلوچ پھ ترمپے آپا تلوس أنت۔
قول شاعرا
مرچان عجب دورے درا إنت
که کورچم پچءِ دستءِ عصا إنت
کودک تلوسيت پھ چنڈيے نانا،
نان ماں جنگلا ھوکانءِ دپا إنت
ن۔ محمد جدگال
(اچ سايت اھل سنت چھبار)
استمانءِ حال رسان
سرمچار 05/01/2009
Source: Ostomaan
دلگوش: برزا داتگین نبشتانک استمانءِ ویبستائٹا شنگ بیتگ۔ ما إدا إیشی دپ مان دپ داتگ و وتی زبانا شنگ کتگ۔ چہ استمانی دوستان ما پھلـّي لوٹین أگر چہ سرحالا ما در بیتگین۔
چاہ بھارءِ آپءِ جیڑو دیریگینے إنت۔ یوکا زرءِ وش کتگین آپ إے جیڑوا حل کت کنت۔ چیزے سال پیسر چاھبھارءَ منی سر کپتگ أت۔ گڈا یک رسٹورانٹےءَ پہ دستءِ شودگا شتان، دیستان کہ لوھییے پرّ أت چہ آپا و اودا إیر أت۔ من حیران بیتان کہ مردم میلیونانءِ حسابا زر دے أنت، لوگ و زمین زیر أنت، بلے آپ پہ دستءِ شودگا نیست! ولید۔
Edited by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت