مشرقی بلوچستان- لشکر جنگھوی نامیں کــَٹــَر سنی تنظیمےءِ مردماں 'ھزاروانءِ جمھوری گل'ءِ شیعہ سروک حسین علی یوسفی ماں کوئٹہ تیر جت، کشت۔
أچ حسین علی یوسفیءِ کشگ بیگا رند آئیءِ مردماں کوئٹہ سرا زرت و ھر نیمگا گاڑی و سرکاری کارگساں ماندارگءِ جھد إش کت۔ إیشیءِ جوابا پولیسا آوانءِ سرا أرس ریچی گئس دئور دات و آ لٹ کٹ کت أنت۔
جن چؤپءِ سببا 22 کس ٹپـّی، پنچ گاڑی سوچگ و بازیں سرکاری ماڑی پروشت پرؤش گنگ بوت أنت۔
14 جنوریءَ ھم ھزارہ أقلیتءِ پولیس أفسرے گوں سئے ھمراھاں کوئٹہءَ جنگ بوتگ أت۔
کوئٹہءَ جاھمنندیں ھزارہ گيئشتر شیعہ أنت و لشکر جنگھوی نامیں کٹریں سنیانءِ ٹولییے إنت کہ پاکستانءِ مختلفیں ھنداں براں برانا سریں شیعوانءِ سرا بیڑ بارت۔
بی بی سی اردوءِ شنگ کتگیں یک جدائیں خبرےءَ آتکگ کہ دوشنبہءَ ماں کوئٹہءِ گولیمار چار راھا اوشتاتگیں فوجیانءِ سرا دستی بمبے دئور دیگ بیت کہ إیشیا دو فوجی ٹپـّی کت أنت۔
آنگو ڈیرہ اللہ یارءَ دیم پہ کوئٹہ گئس بروکیں پائپ بی آر إےءِ مردماں پدا تراکینت۔ إے پائپ پیشی ھفتگا تراکینگ بوتگ أت و ایشیءِ سببا تا لھتے روچاں کوئٹہ شھرا گئسءِ رسگ مھتل بوتگ أت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت