تبصرہ ولید گربنی
ٹرورزم خلاف قانونانءِ ردا یک شرّین دیمروییے إے بوت کہ زی -دوشنبہءِ روچا یورپی یونینءَ إیرانی تنظیم 'مجاھدین خلق'ءِ نام چہ ٹرورسٹ تنظیمانءِ لڑا دیر کت۔ مجاھدین خلق إیرانی سرکارءِ خلافا سلاحبندیں جنگ کنگا بیتگ۔ ھمے سببا 9/11ءَ رند مغربی ملکانءِ أڈ کتگیں قانونانءِ ردا إے إیرانی تنظیمءِ نام ٹرورسٹ تنظیمانءِ لڑا ھؤر کنگ بوت۔
یورپی یونینءِ إے فیصلوا رند ٹرورسٹ مخالف قانونءِ سببا برطانیاءِ سرکارءِ سرا چہ یورپی یونینءِ نیمگا زور کیئت کہ آ سر وت ھر تنظیما ٹرورسٹ حساب مہ کنت، پرچاکہ بازیں تنظیم إنسان کش و خونواریں ملک و سرکارانءِ خلافا جنگا أنت۔
برطانیاءَ ٹرورسٹ حساب بیوکین تنظیمانءِ لڑا 'بلوچستان لبریشن آرمی'ءَ گون ھور بازین آزادی لوٹوکیں تنظیم مان أنت۔ بلوچستانءِ بازین مردمانءِ نظرا 'بی إل إے' آواں چہ پاکستانءِ زوراکیاں رکـّینگا جنگا إنت، پمیشا ٹررورسٹ نتظیمے حساب مہ بیت۔
برطانیاءَ میر مری و فیض بلوچءِ خلافا ثبت کتگیں کئساں گون 'بی إل إے' سیادی بیگءِ سببا بازیں کس جتگیں ڈوبواں ناروا لیکگا أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت