برازیلءِ تھا 'کاندیدو' نامیں شھرے ھست إنت کہ اودا نندوکیں لاپ پرّیں جیں آدمانءِ پنچ یک جاڑ ودی کنت۔ جاڑ ودی بیتگیں گیئشتر چکانءِ مود طلائی و چم نیل إبنت۔سکائی نیوز شنگ بیتگیں خبرءِ ردا دومی جھانی جنگءِ وھدا ماں جرمن نازی کمپےءَ کارکنوکیں 'جوزف منگیل' نامیں داکٹرےءِ دست إدا ھور إنت۔
داکٹر منگیل دومی جھانی جنگءِ خلاص بیگا رند ماں جنوبی أمریکا شتگ و جاھمنند بیتگ۔ ھمودا میتگ پہ میتگ ترّ تگ و مردم ئی دوا درمان کتگ أنت۔
منگیلءَ جنگءِ وھدا 'آشویتز' کمپا بندیانءِ سرا وڑ وڑیں درمان چکـّاستگ أنت و نبیتگیں تجرباتی کارئی کتگ۔ پمیشا گمان إنت کہ جنگءِ خلاص بیگا رند إے داکٹرا وتی پٹاسکاری ماں جنوبی أمریکاءَ دیما برتگ۔
ھمودا جرمنیءِ نسل پرستیں واکدار ھٹلرءِ فلسفہءِ ردا آریان نسلءِ طلائی مود و نیل چمّیں مردمانءِ حسابا گيئش کنگءِ 'جین'ءِ ردوم دیگا سوبیں بیتگ۔
دیم پہ طلائی مود و نیل چمّیں جاڑ ودی کنوکیں میتگا بروکیں دکءِ کشا 'ڈاھی' یے جتگ کہ اودا نبشتہ إنت ' کشارکاریں جاڑانءِ سرڈگارا وش آتک إت'۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت