بلوچستانءِ شھر ڈیرہ بگٹیءِ نزیکا مرچی -یکشنبہ 25 جنوریءَ- یک دگہ گئس پائپے تراکینگ بوت۔ پولیسءِ گپانءِ ردا إے ھژدہ إنچی پائپ دیم پہ سوئی پلانٹا گئس برگا بیتگ۔ بمبتراکءِ ذمواری بی آر إےءِ سرباز بلوچ وتی سرا زرتگ۔
بی بی سی برزا داتگیں حالا شنگ کنگءِ وھدا گيئش کت کہ ماں چار روچاں إے چارمی رند إنت کہ گئس پائپے تراکینگ بیگا إنت۔
بی بی سیءَ چہ 'سوئی سادرن گئس کمپنی'ءِ جنرل منیجرمشتاق صدیقی نقل قول کت کہ جمعہءِ روچا کوئٹہ گئس بروکیں پائپ 'ڈیرہ اللہ یار' شھرءِ نزیکا تراکینگ بیتگ و ھما تان إنت کوئٹہءَ چہ إے راھا گئس رسگا نه إنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت