راڈیو بلوچیءَ 'خبرگزاری دانشجویان إیران'ءِ خبر شنگ کتگ کہ مغربی بلوچستانءِ زابل دمگءِ ھند 'نھیندان'ءَ دو ٹویوٹا گاڑیاں وت ماں وت ڈیک وارتگ۔ گاڑیانءِ ڈیک ورگءِ سببا سواریں سئے کس جاہ پہ جاہ بیران بیتگ أنت و یکـّے ٹپّی بیتگ۔ بیراں بیتگینانءِ نیاما دو کسانءِ عمر چہ بیست سال أنگت کسانتر أنت و ٹپّیینءِ عمر 12 سال إنت۔
راڈیو بلوچی إف إم -سویڈیںءِ گچیں کتگيں یک دگہ حالےءَ کہ فارسی زبانین حالجاہ 'إیران پرئس نیوز'ءَ شنگ بیتگ، آتکگ کہ بلوچستانءِ تھا سوچگی تیل بروکیں گاڑیانءِ نیمگا سرکاری واکانءِ تیرگواریانءِ سببا صداں کس بیران إبنت۔
ھمے حالا چہ 'بازتاب آنلائن' نقل کتگ و نبشتگ کہ سرکاری واکانءِ ناروائیں کارپدانءِ خلافا مردماں زابلءِ نوکیں میتگ 'ھیرمند'ءِ نزیکا پہ سرکارءِ تھروزیا دک بستگ۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت