إنتخاب کرائم رپورٹ: سریاب دک، شالکوٹءَ موٹر سائکلاں سواریں دو کساں ماں مولانا پٹرول بنجاھا اوشتاتگیں گاڑییےءِ تھا نندوکیں دو کس گوں تیراں کشت أنت۔ کشگ بیتگیں مردمانءِ نام شھزاد و فاروق أنت۔پولیسا گشت کہ دوئیں کس پنجابءِ شھر رحیم یارخانءِ نندوکیں تاجر بیتگ أنت۔ ألبت إیشانءِ کشگءِ ذمواریا وتی سرا زیرگءِ حالا دیگءِ وھدا مھنیں بی إل إےءِ گوانکو بیورغ بلوچ گشت کہ إے سرکاری چاریگ بیتگ أنت۔
آنگو ماں ڈیرہ بگٹی، کوئٹہ و حب شھراں تراکینتگیں بمباں 10 سلاحبندیں سرکاری مردم ٹپـّی کتگ أنت۔
رستگیں حالا آتکگ کہ شالکوٹءِ 'کلی نعمانی' میتگا إرشاد پرویز نامینےءِ لوگا دستی بمبے دئور دیگ بیگءِ سببا دریگاں شیشگ پروشتگ أنت، بلے کسے ٹپـّی نہ بیتگ۔
ڈیرہ بگٹیءِ پیرکوہ ھندا بمبتراکےءَ سئے سرکاری سلاحبندیں مردم ٹپـّی کتگ أنت و ماں حبءَ ساکران دکءِ کشا کنسٹرکشن کمپنییےءِ دیوال بمبتراکےءَ پروشگ۔
بی آر إےءِ گوانکو سرباز بلوچ سٹلائٹ ٹلفنءِ راھا حالکار حال دات أنت کہ پیرکوہءِ بمب تراکا پنچ فوجی کشگ و ھفت ٹپّی بیتگ أنت۔ ألبت سرکاری واکان إے درگتا ھچ نہ گشتگ۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت