ماں دنیاءِ أواریں کنڈاں إنسانی حقانءِ لتگمالیءِ درگتا أمریکاءَ وتی سالی رپورٹ شنگ کت۔ إیشیءِ توکا آتکگ کہ إیرانءَ جمھوری راھاں پہ سرکارےءِ مٹـّینگا وتی مردمانءِ راہ چٹـّا بستگ أنت۔ إیشیءِ کشا رستگاری واکاں گوں وتی لٹ کٹـّاں بازیں بندیگ کشتگ أنت و دگہ بازیں سیاسی زوراکی إش پیئش داشتگ۔أمریکاءِ سرکاری گوانکو 'سٹیوارڈ' گشت "ما إیرانءَ گشان کنیں که آ إنسانی حقاں پھازگءِ باروا منـّتگیں میاں استمانی شوربندیان رواج به دات و ھمودا کہ ما نزورییے بہ گندیں إیرانی واکاں ڈوباران کنیں"۔
رپورٹءِ تھا بلوچانءِ سرا زوراکی ھم یک یکـّا ظاھر کنگ بیتگ أنت۔ أچ رویا سارانی بہ گر تا إبراھیم مھرنھادءِ ظلمانءِ آماچ بیگءِ مثال دیگ بوت انت۔ آ دگه زوراکیانءِ کشا یعقوب مھرنھادءِ دستگیری، چیریں کورٹےءَ آئیءِ دادگاھی و پدا پاھوءِ خبر سرجمیا ظاھر کنگ بیتگ أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت