'تائلنڈ نیوز'ءِ ردا پہ سزا دیگا ماں ترکی یک جنکے آئیءِ کھولا زندگا کل کتگ۔ پولیسءِ سربیگءِ وھدا مَدین مِمی نامیں شانزدہ سالگا أنگت ساہ مان بیتگ، بلے رندا ساہ ئی داتگ۔ جنک إش نشتگیں حالا کٹمءِ لوگءِ دپا کلّ کتہ بیتگ۔ شہ درگیجگا ماھے ساری جنکءِ گار بیگءِ حال تالان بیتگ۔
مرتگیں جسدا 'پوسٹ مارٹم' کنگا پد سرپدی رستگ کہ آئیءِ لاپ و پپّاں خاک مان بیتگ۔ إیشی ثابت کنت کہ آئی زندگا کل کنگ بیتگ۔ شہ گار بیگا ساری جنک سئے رندا پولیسءِ گورا شتہ بیتگ و شہ آواں پناہ ئی لوٹتگ۔ آئیا وتی پت و پیرکءِ دستا کشگ بیگءِ ترس درشان کتہ بیتگ۔ ھر سئیں رنداں پولیسا آئی پدا راہ داتہ بیتگ۔
هیچ نظری موجود نیست:
ارسال یک نظر
وتی کلوا چێرا نبیس إت