مشرقی بلوچستانءَ 11 جولائیءَ مولابخش جنگ بیت و بی ال افءَ آئیا جنگءِ پلانگری زرت!
14 حبیب جالب جنگ بیت، بلے بی ال افءِ وڑیناں ھچ نہ گشت و بی ال افءِ پلانگری زیروکاں حبیب جالبءِ کوش ایر جت!
مینگل پارٹیءِ یک دگہ لیڈرے سئے روچ رند شہ حبیب جالب ماں خضدار شھید کنگ بیت!
نیں حال تالان انت کہ نشنل پارٹیءِ لیڈر خالد لانگوءِ سرا زی بیڑ اش برتگ و اے بیڑا آئیءِ برات زیب لانگو جنگ بیتگ۔ زیب لانگوءِ کشوک انگت زانگ نہ بیگا انت۔
خالد و زیب گوں وتی ٹکءِ دگہ باسکاں شھید نجیب لانگوءِ پرساں شہ چھر کنگا بیتگ انت کہ آوانءِ سرا بیڑ برگ بیتگ۔
بلوچاں کشگءِ اے کار مردماں سربتگ کنگا انت و زانگ نہ بیگا انت کہ کئے گوں کئیا ھمراہ انت۔
ایوکا مشرقی بلوچستان نہ انت کہ اودءِ چست ایر مردماں گسر کنگا انت۔ مغربی بلوچستانءَ ھم ھمے حال انت۔ اودا جندا۔۔۔ نامیں تنظیمے دراتکگ کہ آئیءِ جانفدا بیڑاں لھتے ایر جنگا انت و دگہ بازینے ستا دیگا انت۔
خالد و زیب گوں وتی ٹکءِ دگہ باسکاں شھید نجیب لانگوءِ پرساں شہ چھر کنگا بیتگ انت کہ آوانءِ سرا بیڑ برگ بیتگ۔
بلوچاں کشگءِ اے کار مردماں سربتگ کنگا انت و زانگ نہ بیگا انت کہ کئے گوں کئیا ھمراہ انت۔
ایوکا مشرقی بلوچستان نہ انت کہ اودءِ چست ایر مردماں گسر کنگا انت۔ مغربی بلوچستانءَ ھم ھمے حال انت۔ اودا جندا۔۔۔ نامیں تنظیمے دراتکگ کہ آئیءِ جانفدا بیڑاں لھتے ایر جنگا انت و دگہ بازینے ستا دیگا انت۔
مغربی بلوچ سیاستکارانی خیالا جندا۔۔۔ءِ بیڑ ایرانءَ مظلوم ظاھر کنگا انت و بلوچاں ظالم۔ پمیشا بلوچاں درنجگءِ پڑا جھان بے سما انت۔
جندا۔۔۔ءِ بندات گوں بیڑگری بیتگ و انگت ھمے بیڑگریءِ پڑا دستگٹ انت۔ آ بلوچاں کہ وتی عمر بلوچانءِ پانکجنیا پیر کت، مرچی جندا۔۔۔ و آئی پلانگری زیروکانی دیما غدّار انت!
ھر کس ھرچے انت بلوچ مردم سرپدی لوٹ انت و سرپد بیگ بلوچءِ حق انت۔ سرمچار و سیاستکار باید وتی کارکرداں بہ چار انت و قومی سیاستا شہ گمراھیا بہ رکـّین انت۔ اگر چؤش نہ بیت، گڈا قوم ھنچیں تاوانے بہ گندیت کہ پدا ھچبر پہ وت نہ یئت۔
ھر کس ھرچے انت بلوچ مردم سرپدی لوٹ انت و سرپد بیگ بلوچءِ حق انت۔ سرمچار و سیاستکار باید وتی کارکرداں بہ چار انت و قومی سیاستا شہ گمراھیا بہ رکـّین انت۔ اگر چؤش نہ بیت، گڈا قوم ھنچیں تاوانے بہ گندیت کہ پدا ھچبر پہ وت نہ یئت۔
هیچ نظری موجود نیست:
ارسال یک نظر
وتی کلوا چێرا نبیس إت