برطانیاءِ سروزیرا گشت کہ دنیاءِ بازیں جنگانی پاد کنوک برطانیا بیتگ۔ کشمیرءِ باروا یک جستےءِ پسّوا دیگءِ وھدا 'ڈیوڈ کمرون'ءَ إے راستی منّ إت۔
چدا پیسر یکے شہ برطانیاءِ پیسری درملکی جاورانی وزیر 'جک سٹرا'ءَ ھم دنیاءِ بازیں قوماں مختلفیں ملکانی توکا بھر کنگءِ باروا دلپدردی ظاھر کتگ أت۔ وتی وزیریءِ دئورا وھدے آئی عراقی کردستانءَ شتگ أت، گڈا اودا کردستانءِ ٹکر ٹکر بیگءِ باروا وتی خیال ئی درشان کتگ إتنت۔ و وتی ملک ئی ذموار منـّتگ أت۔
پاکستانءِ تھا إے گپا کنگ و کشمیرءِ ناما گرگءِ مقصد پاکستانی واکدارانی دلاں وش کنگ إنت۔ ألبت گوں تاریخی ردیانی منـّگا إے راستی ھم پدّر انت کہ برطانیا بلوچستانءَ ھم یکـّے شہ ھما سرڈگاراں منـّگا مجبور بیت کہ برطانیاءِ سیاستانی سببا بھر بیتگ.
چؤش کہ ودی انت تاریخی ردیاں شر کنگءِ روچا ٹک کتگ۔ مرچی أگر کشمیرءِ نام گرگ بیت، ألمـّا باندا بلوچستانءِ آزادی و یکجاھیءِ منصوبہ بندی کنگ ھم بیت کنت۔
هیچ نظری موجود نیست:
ارسال یک نظر
وتی کلوا چێرا نبیس إت