بلوچ اِسٹودنٹ اَکشن کمیٹیءَ گشت بلوچستانءِ وانگ دربرگءِ پڑ گوں یک پندلے تباہ کنگ بیگا اِنت۔ بنداتی وانگ سرجمیا تباہ کنگ بیتگ۔ ایشیءِ سببا بُرزتری کلاساں وانگا نزوری پدّر اَنت۔ ایشیا ابید گوَستگیں سالا شہ بلوچستان زانتجاھا 103 مردم پہ پی اِچ ڈی و اِم فل کنگا دریں ملکاں دیم دیگ بیتگ اَنت۔ البت ایشان نیاما ایوکا سئے بلوچ گون بیتگ اَنت۔ بلوچستان زانتجاھا پہ وانینگا کار کنوکیں مردمانی حساب 500 کس ظاھر کنگ بیتگا اِنت۔ اے مردمانی نیاما بلوچانی حساب 60 کس اِنت۔
بلوچ اسٹودنٹ اکشن کمیٹیءَ دیمترا گشت کہ بلوچستان زانتجاھا بلوچ وانوکانی خلافا پندل بیگا اِنت۔ زانتجاھا سیمسری فوج نندارینگ بیتگ۔ ایشیءِ مقصد بلوچ وانوکاں شہ وتی بنی حقاں زبھر کنگ اِنت۔ فوجءِ نندارینگ بیگا ساری پولی ٹکنیکل کالجءَ 4100 کس وانگا بیتگ اَنت۔ ھنی 900 پشت کپتگ۔ اِنفارمیشن ٹکنالوجی زانتجاھا بلوچانی حساب صدا دو کس اِنت۔
وانگءِ پڑا بلوچستانءِ پد منتگیءِ یک سببے ایش اِنت کہ بلوچستانءِ میٹرک بورڈ یکے اِنت۔ پاکستانءِ آ دگہ پرگِنگاں اگر بہ چاریں، گڈا درا بیت کہ سند پرگنگا میٹرک بورڈ 5 اَنت، پنجاب و خبیر پختونخوا پرگنگاں ھشت ھشت بورڈ ھست اِنت۔ اے وھدی پنجابءَ 39 مڈیکل کالج ھست۔ سندءَ 25 و پختونخواہ پرگنگ 15 ھنچیں کالجانی واھند اِنت۔ البت بلوچستانءِ کالج یکّیں بولان میڈیکل کالج اِنت۔
حال بلوچ یونٹی کانفرنسءِ منّتا
هیچ نظری موجود نیست:
ارسال یک نظر
وتی کلوا چێرا نبیس إت