راستی نیمگا جمھوری وطن پارٹیء جمیل بگٹی گشتگ؛ متحدہ مجلس عملء اے پی دی امء تھا ھؤریء سوبا ما گؤں اے حرکتا ھؤر نھ بئینت۔ اگر ام ام اے چھ اے تحریکا در کنگ بھ بیتنت گڑا ما پھ ھؤر بیگا گؤں اشاں گپ جت کننت۔
آئي گیئش کتگ؛ جنرل مشرف، شوکت عزیز، بلوچستانء سریں وزیر، گورنر و فرنٹیر کورء سرؤک نواب بگٹیء کشؤکنت۔ اشانء خلافا کیس ثبت کنگء واستا ھمے زیتاں گؤں وکیلاں شؤر بندی بیتنت۔
جمیل بگٹی دیمترا گشتگ؛ ما مدام ملکء تھا جمھوریء آرگا توار چست کتگ۔ مئے گل سرؤک نواب اکبر بگٹی وھدے پھ وتی ملکء وسائل و ساحلء رکـّينگا کؤھاں سرکپت، ھما وھدی اُلـُـسا بازیں سیاسی گلانء کردار دیستنت۔ ھمے گل مروچی ظلم و ناانصافیء خلافا بٹاک جنگا انت و جمھوریت آرگء واستا جھد کنگء دعوادارنت۔
آئی وتی لیکھ پدرا کتگ کھ آھانء واھگ دگرا ایرجنگ نھ انت البت لؤٹنت الــسا اشانء کارکردانء ترانگا بدی انت۔
جمیل بگٹی گشتگ؛ ال پی دی امء تھا ھؤریں لھتے مردماں گؤں مارا یکجاہ نندگ زیب نھ دنت۔ چیا کھ ھمشانء دست نواب بگٹی و دگھ صدانء حسابا مردمانء کشگا ھؤرنت و بلوچستانء سرا فوجی آپریشنء پلھ مرزی کنؤکنت۔
آئی کوئٹھء تھا جاھمنندیں درامدانء لؤگانء سرا حملھ ایرجتگنت و گشتگ کھ بلوچستانء سرا ھمنچؤ حق بلوچاں ھستنت ھنچؤ جاھمنندیں درامد حقدارنت۔ بلوچ نشنل الائنسء درگتا ھچ ڈؤلیں دیمرئی نھ بیتگ بلے جھد جاری انت۔
گڈسرا جمیل بگٹی چھ بلوچستانء الس، تاجر، ٹرانسپورٹر، گل و ٹؤلیاں دستبندی کتگ کھ شھیداعظم نواب شھباز اکبر بگٹیء کشگء خلافا 26 اگستء تھرؤزیا بھر بھ زیرنت۔
چپی نیمگا بی ان پی مینگلء مرکزی کمیٹیء دو رؤچي دیوانء حال شنگ بیتگ و اے کنفرانسا بیتگیں شؤربندی اے ڈؤلا نبیسگ بیتگنت؛ 18 و 19 اگست پی ان پیء مرکزی کمیٹیء دیوان کوئٹھ شھرا ھداروکی صدر داکٹر جھانزیب جمالدینیء پاگواجھیا برجاہ دارگ بیتگ۔ اے دیوانا خاص بلوچستان، پدا ملک، میاں استمانی و افغان مھاجرانء سرا بحث و تران بیتگ۔ اے ردا چیرا داتگیں فیصلھ کنگ بیتگنت۔
بی ان پی جدوجھدء اواریں کشکانء منـّؤکنت، چمشکا (گلا) آیوکیں گجنکاریاں بھر زیرگ فیصلھ کتگ۔ پی ان پی ماں لندن برجم داشتگیں ال پی ڈی امء تھا نور مینگلء فیصلھ قبول کتگ و گؤں اے تحریکا ھؤر بیگء جارجتگ۔ پی ان پی چرے حبرا سرپدنت کھ ام ام اے پروگرام تھا بلوچستانء مشکلانء حل کنگا راھے مان نیستنت و اے نزؤریا ھر دیوانا ظاھر کنگا گؤں ھؤر بلوچستانء سرا آپریشن کنگا متحدہ مجلس عملء گؤں سرکارا ھؤر بیگا ایئر جنت۔
بی ان پی نواب اکبر بگٹیء شھادتء سالروچء درگتا جمھوری وطن پارٹیء نیمگا گؤانک جتگیں تھرؤزیء پلھ مرزیا کنت و اے رؤچا گؤں آھاں ھؤر سیاہ رؤچ داریت۔ پی ان پی تمامیں میتگان وتی ٹؤلیاں شؤر دنت کھ آ باسک جؤڑ کنگء کارا بنگیئج بکننت۔
افغان مھاجرانء سوبا بازیں دریں مردمانء نام ووٹانء لـڑا ھؤر کنگ بیتکنت، بی ان پی اشانء دیما دارگء کوشستا کنت و افغانستانء جاورانء شر بیگا گؤں ھؤر پھکین افغانیاں درکنگء جھدا کنت۔ ھؤریا بلوچستانء سیلاب زدگانء سرکاری کمک نھ رسگا ایر جنگ بیتگ۔ بلوچ جنیں آدماں کھ پھ بندیگانء ویل کنائینگا کوئٹھ پریس کلبء دیئما شدکشـّيآ نشتگنت ھم شاباشی دیگ بیتگنت۔
بی ان پی ملک تھا و دریں ملکاں بلوچستانء مشکلانء سرا کپ وترانا ھنــّيگیں وھدء مزنتریں ضرورت زانت۔
هیچ نظری موجود نیست:
ارسال یک نظر
وتی کلوا چێرا نبیس إت