یکشنبھء بامگاھا چھ چاہ بھارء نزیکا یاگیانء دستا بندیگ بیتگیں مردم پاکستانء فوجا ھما رؤچء بیگاھا آزاد کنائینتگنت۔ یاگی گؤن اے مردماں چھ بلیدہء نزیکا ماشینانء سرا گؤزگا بیتگنت کھ پاکستانء دولتیان اشانء سرا یورش برتگ۔ یاگی و پاکستانء دولتیانء نیام تیر جنگی ھم بیتگ کھ اشیء سوبا یک یاگیے کشگ و دو ٹپـّيگ بیتگنت۔ یک ایرانیےء کشگ بیگء حال ھم لھتے جاھاں شنگ بیتگ۔حالء ردا بندیگیں 21 ایرانی پچگرگ بیتگنت و گؤں ٹـپّيگیناں ھؤر 16 یاگی پاکستانء دولتیاں دستگیر کتگنت۔ آزاد بیتگیں ایرانی ھلی کاپٹرانء سرا بلوچستانء بنجاھی شھر کوئٹھء تھا ایرانء سفارتا رسینگ بیتگنت۔
ایران چھ پاکستان لؤٹ کتگ کھ یاگیاں ایرانء دستا بندنت، بلے حالء ردا پاکستانا ایرانء اے لؤٹ تنے وھدی پیلو نھ کتگ۔
بازیں سرکاری بنجاہ یاگیانء اے ٹولیا گؤں ریگی پرلچـّينگا انت۔ البت چھ ریگیء گلء نیمگا دو بیان شنگ بیتگنت و دوئینانء تھا آھاں گشتگ کھ آھانء مردم نھ بیتگنت۔ یاگیانء اے کارا چھ ھم زانگ بیتنت کھ عبدالمالک ریگیء مردمانء ڈؤلا اشاں پھتھ کاری پیش نداشتگ۔
تبصرہ کنؤک حیراننت کھ ھنـّيگیں دؤرا ماں اے ھنداں 21 پسء دزّگ و چیئر دیگ نا ممکننت، چؤنکا اشاں 21 بنیادم پسانء ڈؤلا واڑ کتگنت و اشانش چیئر دیگء جھد کتگ ۔ اگر آیوکیں روچاں یاگیانء باروا گیئشتر حال شنگ مھ بیتنت یا ظاھر کنگ مھ بنتنت، گڑا مردم ھمے شک کت کننت کھ چیزے ماہ پیئسر پھ بلوچ مھلوکء نزؤر کنگا مغربی و مشرقی بلوچستانء سرکاری گورنرانء گوادرء دیوانا سازتگیں پندلانء بھرے بیتگ۔
حال چھ اواریں جاھاں زیرگ بیتگ
هیچ نظری موجود نیست:
ارسال یک نظر
وتی کلوا چێرا نبیس إت