میان اُستمانی گلءِ مقیمی 5 باسک و جرمنیءَ إیران و أمریکاءِ نیاما تچکا گپ کنگءِ رضامندی یک شرّیں گامگیجے لیکتگ۔ آواں اُمید ظاھر کتگ کہ دوئیں ملک پہ گپ ترانءِ دیما برگا گوں پھکدلی کار کن أنت۔أمریکاءِ صدر باراک اوباما رضامندی ظاھر کتگ أت کہ آئی إیرانءِ نیوکلئر جیڑوءِ سرا تچکا گون أیرانءَ گپ کنگا واھوک إنت۔ إیشیءِ جوابا إیرانءَ لوٹتگ أت کہ أمریکا وتی پیشی ردیانءِ سرا پشومانی درشان بہ کنت، گڈا خبر دیما برگ بوت کنت۔
زی -چارشنبہ 4 فروریءَ -برطانیا، فرانس، جرمنی، روس، چین و أمریکاءِ نمایندواں ماں جرمنی دیوان کتگ و إیرانءِ نیوکلئر مسئلہءِ سرا گپ تران إش کتگ۔ دیوانءِ گڈسرا وتی ھوریں بیانےءَ آواں چہ إیرانءَ لوٹ کتگ کہ گوں 'أٹومک إنرجی أجنسی'ءَ شرّی سرا ھؤر کاری بہ کنت۔
میاں اُستمانی حالجاھاں شنگ بیتگیں خبرا گیئش کنگ بیتگ کہ ششیں ملکانءِ برزا داتگیں دیوانءِ وھد پیسرا ٹھینگ بیتگ۔ رندا إیران یک سٹلائٹے آسمانءِ دیما راہ دیگا سوبیں بیتگ۔ إیرانءِ إے سوبینیا أمریکا، یورپ و إسرائیل پریشاں کتگ أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت