راڈیو گوانک شنگ بیتگیں حالےءِ ردا إیرانی واکاں ماں پاکستان بندیگيں لھتے مردم لوٹتگ أنت و إے ردا پاکستانی واک راضی بیتگ أنت کہ گچینی پنچ کساں إیرانءِ دستا بہ دے أنت۔ ایرانی واکدار گشگا أنت کہ إے مردماں سال 2007ءَ مغربی بلوچستانءِ ھند 'نوبندیاں' راہ بستگ و بازیں غیر بلوچ مسافر أچ آوانءِ گاڑیاں إیر کپتگ، بندیگ کتگ و گون وت برتگ أنت۔ رندترا پاکستانی واکاں إے ماں بلیدہ دستگیر کتگ أنت و بندیگ آزاد کنائینتگ أنت۔ أچ مردم بندیگ کنوکاں یکـّے کہ عبدالمالک ریگیءِ برات ظاھر کنگ بیتگ أت؛ پیسرا إیرانی واکاں دیگ بیتگ۔گوں راڈیو گوانک وتی گپاں 'بلوچ یومن رائٹس واچ -إنٹرنشنال'ءِ جارچیں عبداللہ بلوچ گشت کہ إیرانءِ دستا دیگا ساڑی کتگيں پنچیں کس مشرقی بلوچستانءِ مردم أنت۔ پدا گيئش کت کہ مردم آوار جنگءِ بھتاناں ھر پنچیں چٹتگ أنت، ألبت غیر قانونی سلاحانءِ واھند بیگءِ سزایاں بندیگ بیتگ أنت۔ واجہ عبداللہ دیمترا حال دات کہ إے مردم أچ کوئٹہ بندیگجاھا در کنگ بیتگ أنت و پہ إیرانیانءِ دستا دیگا چیئریں جاھے برگ بیتگ أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت