ماں کوئٹہ موٹر سائکل سواراں مرچی یکـّے تیر جت، کشت۔ کشتگیں مردم ویلسن مونی إنت و آئیءِ دو ھمراہ؛ عامر إقبال و أیاز گل ٹپـّی بو أنت۔ ماں جیل روڈ جَنـَگ بیتگيں مُردگ و ٹپـّی کوئٹہ سویل نادراھجاھا سر کنگ بیت أنت۔ اودا مرتگیں ویلسن مونیءِ زھرگپتگیں سیال جناح دگءِ سرا مچ دراتک أنت و پہ روگ آیگ ٹرافک إش مھتل کت۔ جنگ
چدا پیسر گوستگیں لھتے روچاں بازیں مردم تیرانءِ دپا دیگ بیتگ أنت۔ 'دی نیشن'ءِ ردا 23 جولائیءَ سریاب روڈءِ سرکاری إسکولءِ سروکیں اُستاد محمد محسن أنصاری جنگ بوت۔
جمعہ 24 جولائیءِ بیگاھا سریاب روڈ ڈگری کالجءِ پرنسپل حاجی غلام سرور جنگ بوت کہ پاکستانی حالجاہ 'ڈیلی ٹائمز'ءِ ردا گوستگیں 2 ماھاں آ ششمی دانشور أت کہ 'ٹارگٹ کلنگ'ءِ آماچ بوت۔
ڈیلی ٹائمزءِ ردا 25 جولائیءَ دو تاجر کشگ بوت أنت۔ محمد طاھر و علی أحمد دیم پہ وتی کارگسا راھی بیتگ أنت کہ کوئٹہءِ مشرقی 'بائی پاس'ءَ تیرجنگ؛ کشگ بیتگ أنت۔
هیچ نظری موجود نیست:
ارسال یک نظر
وتی کلوا چێرا نبیس إت