بلوچ رپبلکن پارٹی پنجگور ھنکینءِ جھدکاراں بلوچانءِ چکانپگ و دستگیر کنگءِ خلافا ماں پنجگور پرئس کلبءِ دیما ظاھری دات۔ جھدکاراں بلوچستانءِ بیرق ٹال کتگ إتنت و سرکاری زوراکیانءِ خلافا دانک إش کوکـّار کت أنت۔ گوں ظاھری دیوک و حالکاراں صمد بلوچ و محمد حنیف ملازئی تران کت۔ آواں گشت کہ پاکستان گوں بلوچاں غیر إنسانی کار کنگا إنت۔ پمیشا إنسانی حقانءِ میان اُستمانی إدارہ پہ مئے أگـَورا بیا أنت۔ توار
یک دگہ حالےءِ ردا جونءِ ماھا ماں خضدار شہ وتی کارءِ سرا چکانپگ بیتگیں داکٹر دین محمد بلوچءِ آزادیءِ لوٹا منـّینگءِ مقصدا پنجگورءِ داکٹراں کاربند کت أنت۔ حالانءِ ردا سرکاری و پرائویٹ نادراھجاھانءِ بندگ بیگءِ سببا دمگءِ نادراہ سک نگيگ أنت۔
روچتاک توارءِ ردا بی إن إمءِ جھدکار داکٹر دین محمد ماں ناچ نادراھجاھا وتی ذمواریانءِ دیما برگا 29 جونءَ نندوک بیتگ کہ بامگاہءِ کلاک 1:30ءَ سلاحبندیں سرکاری واکاں چکانپتگ۔
هیچ نظری موجود نیست:
ارسال یک نظر
وتی کلوا چێرا نبیس إت