إیرانءِ صدارتی ووٹاں باھینوکیں اُمیدوار میر حسین موسوی شہ إیرانءِ مردماں لوٹ کت کہ آ وتی تھروزاں برجاہ بہ دار أنت۔ آئیا سرکچ دات کہ مذھبی مچّی پہ ھنچوشیں کاراں شرتریں جاہ أنت۔ خاض شعبان ماھا پہ کشگ بیتگاں قران بہ وان إت۔بی بی فارسیءِ ردا گوں 'أنجمن إسلامی معلمان إیران'ءَ وتی ترانا میر حسین موسوی گشت کہ ملک یک ھفتاد میلیون مردمی بندیگجاھےءَ مٹـّینگ بیت نہ کنت۔ پدا گيئش ئی کتگ کہ شہ گچینکاریاں رند بیتگیں قتل و دستگیریانءِ وڑیں کارکرد شہ إنقلابا ساری ھم نہ بیتگ أنت۔
آئيا ترانگ دات کہ شہ إنقلابا ساری جرم کنوکیں مردمانءِ عاقبتا ھنوگيں ظالم یاد بہ کن أنت و بہ زان أنت کہ گوں آواں ھم ھما کار إبیت۔ موسوی دیمترا گشت "شہ مردمانءِ نیمگا سرکارا تھروز کنگءِ کارکرد شرّیں گامے إنت۔ إے مئے قومی سلامتیءِ نشانی إنت"۔
دستگیریا پد گار کنگ بیتگیں مردمانءِ باروا موسوی شہ واکداراں لوٹ کت کہ أگر إے مردم شما جتگ؛ گشتگ أنت، کما شہ کمتر إنچو وا بہ کن إت کہ سیاد وارساں آوانءِ جسدان بہ دے إت۔ "مردماں حق ھست إنت کہ وتی زھگانءِ قبرانءِ باروا بہ زان أنت"۔
پدا جست ئی کت "پرچا مردماں إنچو آزار دے إت؟ پرچا مردماں إنچو پادمال کن إت"؟
هیچ نظری موجود نیست:
ارسال یک نظر
وتی کلوا چێرا نبیس إت