إیران و پاکستان بلوچ نسل کـشیءَ گولائیش أنت؛ بی آر إس او

بلوچ رپبلکن إسٹوڈنٹس آرگنائزیشنءِ بنجاھی چیردستیں سروک چیف عطاءاللہ بلوچءَ گشت کہ بلوچستانءِ سرا فوجی بیڑانءِ مقصد بلوچانءِ نسلاں کشگ إنت۔ پمیشا إیران و پاکستان گوں یکـّا دگرا مقابلہ کنگا أنت کہ باریں گيئشتر بلوچانءِ کشگا کئے باج بارت۔ 13 بلوچاں یکـّیں روچا درنجگءِ إیرانی کارکرد شہ پاکستانءََ باج برگءِ جھدءِ بھرے إنت۔

ماں کراچی برجم داشتگیں تنظیمی دیوانءِ دیما وتی تراناں عطاءاللہ بلوچءَ دیمترا گشت کہ دنیاءِ قومانءِ ھوربند -یو إن او، یورپی تپاکی، درستیں مذھب و إنسانی حقانءِ میاں اُستمانی پانکجنانءِ بیتواریءِ سرا آ سک پدرد إنت۔

رندترا آئیا درائیت "أگر إسلام آباد و تھرانءِ رستری کارکردانءِ دیم دارگ نہ بیت و جنوا کنونشنءِ ھمردیا قومان حق دیگ نہ بیت أنت، گڈا إنسان کـشیءِ میاں اُستمانی جنگے بندات إبیت۔ 21 کمی قرن پادمالیں قومانءِ آزادیءِ قرن إنت۔ زانگ به بیت که قوم گوں کشگ گار نه بنت؛ غلامیءِ قبول کنگا قوم گار إبنت۔ پمیشا وھدءِ ضرورت إنت کہ بلوچ قوم تفاق بہ بیت"۔ توار
Source: www.balochinews.com