بی آر پی مند ھنکینءِ گوانکوا وتی بیانےءَ گشت کہ میر براھمدغ بگٹی یک مردمے نہ إنت، آئی یک راھبندےءِ نام إنت و دنیاءِ ھچ واک إیشیا گار کت نہ کنت۔ بیانا دیمترا گشت کہ رحمان ملک سل زبانیءِ بے تاجین بادشاہ إنت۔ پمیشا په بلوچءِ آزادیءِ جنگءِ دیما دارگا بے بُنیں حال تالان کنگا إنت۔
بیانا أنگت گيئش کت "پاکستانی واکداراں وتی شصت و دو سالی تاریخا بے حسابا بلوچ زوال کتگ أنت، بلے آزادیءِ جنگا اوشتگءِ بدلا أنگت ردوم زرتگ و بادے مروچی أنگت إنت۔ ضروری إنت کہ دروغبندانءِ سروک رحمان ملک شہ وتی پیسری کماش مشرفءَ درس بہ گریت۔ آئی دروغان نہ رکـّینت و مرچی بیگواہ إنت۔ تاریخ گواہ إنت کہ راستیاں مُدام دروغ پرؤشتگ أنت"۔
یک دگہ بیانےءَ بی آر إس اوءِ بنجاھی کمیٹیءِ باسک عبدالواحد بلوچ و لسبیلہ مرین زانتجاہءِ إحسان بگٹیءَ ھوریا گشت کہ کماندار میر براھمدغ بگٹیءَ گوں وتی لایقیں سروکیا بلوچ جیڑہءِ باروا سرجمیں دنیا سرپد کتگ۔ شہ إے سوبینیا رحمان ملک و آئیءِ پنجابی لشکر سربتگ ترّ تگ أنت۔
چوناھیا رحمان ملکءِ کار دروغ بندگ إنت، أگر روچے یکـّے مہ بندیت؛ آرام کت نہ کنت۔ ألبت إنچو بہ زانت کہ مرچی بلوچستان ھر زھگ میر براھمدغ إنت۔ پمیشا براھمدغءَ دستگیر کنگءِ وابا مہ گندیت۔ توار
هیچ نظری موجود نیست:
ارسال یک نظر
وتی کلوا چێرا نبیس إت