عراقی وزارت مالءِ دیما بمب تراکینوکا 10،000 ڈالر لب داتہ بیتگ

عراقی وزارت مالءِ ماڑیءِ دیما بمبتراکانءِ پندل سازا گشت کہ آواں 10،000 ڈالر داتہ بیتگ تاکہ رستگاری واکدار شہ ترکـّگی درماناں پرّیں لاریاں گوزگءِ إجازتا بہ دی أنت۔ گوَستگیں ھفتگا شہ ترکــّگی درمانا پرّیں دو لاری ماں عراقءِ بنجاھی شھر بغدادءَ تراکینگ بیتگ إتنت۔ إیشانءِ سببا 100 مردم کشگ و صداں ٹپـّی بیتگ إتنت۔

بمبتراکانءِ پندل سازا دستگیر بیگا رند عراقی پولیسءِ دیما بغداد 'گرین زون'ءِ رستگاری واکاں لب دیگءِ گپ منّ إت۔ علی کادم نامیں إے پندل ساز صدامءِ واکداریءِ وھدا پولیسءِ سروک بیتگ۔ ھنـّیگيں عراقی پولیسءِ سروکا ھمے باروا سرپدی دیگءِ درگتا گيئش کت کہ علی کادمءَ وتی وکیلءِ دیما سرجمیں میارباری قبول کتگ۔ آنلائن
Source: www.balochinews.com