ماں أمریکا 10 جون 1991ءَ 11 سالءِ عمرا چکانپگ بیتگیں جنِک 18 سالا رند، بزاں 29 سالگیا ماں کلیفورنیا درگیجگ بیت۔ إے باروا یک جُتکے -جن و مردے پولیسا دستگیر کت أنت۔ شہ أمریکاءِ ھند 'ساؤت لئک، تاھوئی'ءَ چکاپنگ بیتگيں جنکـّا گوستگیں 18 سالاں پولیس شوھازیگ بیتگ۔18 سال ساریا دیم پہ بسءِ اوشتجاھےءَ روگءِ درگتا 'جوائس ڈوگارڈ' نامیں جنک مان گاڑییےءَ سواریں مردماں چکانپتہ بیتگ۔
جنکا چکانپوکیں 'فلپ گریڈو' 1971ءَ هم جنسی زوراکی کنگءِ سببا دستگیر بیتگ۔ آوھدی قاضیا آئی پولیسءِ دستا داتگ و سفارش ئی کتگ کہ پولیس مدام آئیا وتی چمانءِ چیر بہ کنت۔ گِندَگا پولیسا وتی ذمواری أدا نہ کتگ۔ و جنسی زوراکیءِ ھیلکارا وتی واھگ گوں کسانسالیں جنکءِ بندیگ کنگا پیلو کتگ أنت۔
ماں لوگءِ پُشتءِ باغا رُستگیں جرّ و درچکانءِ شما بستگیں بانڈمءِ تھا 18 سال زند گوازینگءِ نیاما جنکا دو چک ھم آرتگ أنت۔ فلپ گریڈو و آئیءِ جن ماں إے جُرما شریدار بیتگ أنت۔ پمیشا پولیسا دوئیں کس دستگیر کتگ أنت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت