دوشنبهءَ ماں دربُنی -زامران سرجمیں روچا توپ و تیر گواری بوت

دوشنبہ 17 آگستءَ ماں زامران -مکرانءِ ھند دربنیءَ سرجمیں روچا تیر و توپ گواری بوت۔ صحبءِ کلاک 11ءَ بندات بیتگيں راکٹ و توپانءِ ترکـّگءِ توار تاکہ دِیــرا إشکنگ بوت أنت۔

إے مڑا کسےءِ جنگ بیگءِ ألمـّیں حال نیست إنت، ألبت بازیں فوجی أمبولانس شہ مند گوَستگ؛ جنگجاہءِ نیمگا شتگ أنت۔ ھنجاھیں حالے ھست إنت کہ دو سرمچار جنگ بیتگ أنت۔

ھندے حالکارےءِ ردا زانگ نہ بیگا إنت کہ باریں سرکاری واک و مغربی بلوچستانءِ سرمچاران نیاما جنگ بیگا إنت یا کہ مشرقی بلوچستانءِ سرمچار أنت۔ ألبت أندازہ إنت کہ مغربی بلوچستانءِ بہ بنت۔

مرچی صحبا سئے ھلی کاپٹر ماں تمپءِ نزیکا آتکگ أنت و إیشاں گوں وت بازیں فوجی گوں ساز ساماناں آرتگ أنت۔ إیشانءِ خلافا استمان ماں مند و تمپ ظاھری دیگا إنت۔ ظاھریانءِ حالا رندترا شنگ کنگءِ جھدا کنیں۔

Source: www.balochinews.com