نشنل پارٹی -پنجگور ھنکینءِ گوانکوا گشت کہ سر ظاھرا وتا ھذھبی گشؤکیں گلےءِ سروک ملا فضل الرحمان بلوچستانءِ سرا فوجی آپرئشنءِ کارکردا گوں سرکارا بروبریا ھؤر إنت۔فضل الرحمانءِ بیانےءِ سرا وتی ناوَشی درشان کنگءِ درگتا نشنل پارٹی پنجگور ھنکینءِ گوانکوا دیمترا درائینت کہ نواب أکبر بگٹی و میر بالاچ، و دگہ ھزاراں بلوچانءِ کوشارینگا ملا فضل الرحمانءِ دل آرام گپت، نیں پہ پشت کپتگیں بلوچانءِ کوشارینگا نوکیں پندل سازگا إنت۔
بیانا سرکچ دات "ملا فضل الرحمان گوں مشرف ھؤر بوت و 'قومی تنصیبات'ءِ رکـّینگءِ پندلا بلوچستانءِ سرا فوجی آپرئش إش بنا کت۔ ھمیشی أنگت برجاہ إنت۔ مشرفءِ رَوَگا رند آ گوں زرداری ھمدست بوت و میر غلاممحمد بلوچ إش گوں سنگتاں شهید کت"۔
بیانا پَدّر کت کہ بلوچ سرڈگارا بیتگیں کوشت کوشار، مردماں چکانپگ؛ گار کنگ و دستگیری ملا فضل الرحمانءِ راھشونیانءِ همردیا بیگا أنت.
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت