"صداں ھزار سرمچار بیگءِ برکتا میر براھمدغ و میر خیربیارءَ دگہ ملکےءِ کمک پہ کار نہ إنت۔ ألبت أگر آواں دھلی و کابلءِ کمک گوں بیتین أت، گڈا مروچی إسلام آباد و لاھورءِ پارلمنٹ بُن إتنت" إے گپ مری ٹکءِ سانڈیں کماش میر ریحان مری ماں وتی حالتاکی بیانےءَ گشت أنت۔
میر ریحان مری دیمترا درائينت "اودا مغربءِ نیمگا جندا۔۔۔ پہ مغربی بلوچستانءِ آزادیا جھدا إنت۔ گجرانءِ دستا بلوچ نسل کشگ بیگا أنت، بلے أفسوز کہ إنسانی حقانءِ پانکجن و دگہ میاں اُستمانی گل تِرکــّگ نہ کنگا أنت"۔
ھمے درگتا أنجمن إتحاد مری کوھلو زونءِ گوانکوا بیان دات کہ ڈیرہ بگٹی فوجا أنگر کتگ۔ أمریکاءِ گورا پنڈتگیں گن شپ ھلی کاپٹر، چاریگی گراب و ٹانک پہ بلوچانءِ پادمال کنگا اودا کارمرز بیگا أنت۔ بیانا شہ بلوچ نوجواناں دستبندی کت کہ شہ کشگ بیگا وتی نسلاں بہ رکـّین أنت۔
هیچ نظری موجود نیست:
ارسال یک نظر
وتی کلوا چێرا نبیس إت