بلـوچــســتان

إے شعر فرید فرا قءَ نبشتہ کتگ. 'ما' و 'مئے' گال بندرا 'من' یا 'منی' نبشته بیتگ أنت که من مٹـّینتگ أنت۔ إیشی پہ بلوچستانءَ قومی سوتے نبشتہ کنگا شرتریں راھشونییے بیت کنت۔

بلوچستان

بلوچستان مئے ماتیں دیار إنت
بلــوچستان بلوچانی میار إنت

بلوچستانءِ درداں ما شماریں
بلوچستان مئے دراں شمار إنت

بلوچستان مئے چمانی نور إنت
بلوچستان پہ ما باغ و بھار إنت

بلوچستانءِ ما ناموس و ننگیں
بلوچستان مئے لج و میار إنت

بلـــوچستانءِ خاکءِ وارثیں ما
بلوچستان مئے خونا ھَوار إنت

گنج إنت پہ ما کہ ما بلــــوچیں
بلوچستان مئے نام و توار إنت

Source: www.balochinews.com