آصفہ زرداری شہ وتی پتا گئیش بوت

پاکستانءِ صدر آصف علی زرداری گوں وتی شریداریں واکدار و کسانسالیں چک آصفہ زرداری ماں لندن آتک أنت۔ جمعہءِ روچا آواں گوں برطانیاءِ سروزیرا گِدار کت و شہ آئی پنڈگ لوٹ إت۔

حالانءِ ردا آصفہءَ پہ ملکءِ جنیں چکـّاں کتابانءِ خرچ لوٹ إت و آصف زرداریءَ پہ تگار لاپیں فوجیانءِ لاپ دیگا نگنءِ زرءِ تمَنــّا کـُت۔ برطانیاءِ سروزیر گورڈن براونءَ قول دات کہ آ 665 میلین پونڈ کمک کنت۔

ألبت آصف علی زرداریءَ إے زرّاں فوجءِ سرا خرچ کنگءِ إجازت نہ بیت۔ إیشانءِ نیم آصفہءِ واھگءِ سرا پہ إسکولی جنکانءِ کتاباں خرچ إبنت و آدگہ نیم پاکستان و إفغانستانءِ ھؤریں سیمسرءِ إیمن کنگا رَو أنت۔

بلوچی نیوز رپورٹ
Source: www.balochinews.com