ماں سوئدءِ بنجاهی شهر –إستکهولم "بلوچستانءِ ورنایانءِ إنصاف لوٹیں گل"ءِ نمیرانیں پاگواجه شهید یعقوب مهرنهادءِ یاتا، آئیءِ شھادتءِ أولی سالروچ درگتا پرسی دیوانے برجم دارگ بوت.یکشنبہ 23 آگستءَ برجم داشتگیں دیوانءِ بنداتا، دیوانءِ رد و بند دیوک واجه محمد زین الدینیءَ ماں سوئدی زبانا نندوکیں مردم وش آتک گشت أنت و پدا شهیدءِ باروا گپ ئی کت.
چه بلوچان أبید سوئڈنءِ مودرات، فولک پارٹی، سنتر پارٹی، سوسیال دمکرات و حقوق بشرءِ نمایندواں ھم إے دیوانا بهر زرت۔ إیشاں ماں وتی کلواں إیرانءِ حکومتءِ دستا إنسانی حقانءِ پادمالیانءِ سرا وتی نه وشی درشان کت أنت، و گوں بلوچان وتی ھمدردی إش بیان کت أنت.
إیرانءَ هورین ترک، عرب و کرد راجانءِ لھتے تنظیمانءِ نمائندواں ھم إے دیوانا بهر زُرت و یا کلوه إش دیم دات أنت۔ إیشاں ھم مھرنھادءَ شھید کنگءِ إیرانی کارکرد ڈوبار إت.
ماں إے دیوانا واجه ناصر بلیده ای ، واجه مهیم و دگه لهتے بلوچان شهید مهرنهادءِ باروا تران کت. بهر زیروکیں سرجمیں مردماں بلوچ زاتا کشگءِ إیرانی راهبند إیرجت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت