ماں کراچی پہ پنڈوکی آرتا سرجم بیتگيں مردماں یکـّادگر لپاشت۔ ھمے سببا نزورتریں جنیں آدم و چکـّانءِ نیاما 18 مرت أنت۔ مُرتگیناں دو چک و 16 جنین أنت۔
شنگ بیتگیں حالاں داتگ کہ ھموک سالانءِ ڈولا إمبرییں رمضانءَ ھم چودھری إفتخار نامیں مردمےءَ غریبانءِ نیاما آرت بھر کنگءِ جار جتگ۔ پمیشا بازیں نیزگار ماں یک تنکیں دمکےءَ سرجم بیتگ أنت۔
ألبت أناگتا جار پـِرینگ بیتگ کہ مرچییں روچا آرت بھر کنگءِ بدلا باندا بھر إبیت۔ ھمے درگتا نِندگجاہءِ گواتو ھم بندگ کنگ بیتگ أنت۔ گڈا پھکیں مردم أناگتا شہ اودا درزبرّگا لگـّتگ أنت۔ ھمے وھدا مردماں یکـّا دگر لپاشتگ۔
پولیسا چودھری إفتخار دستگیر کتگ و شہ آئی جُست پرس بیگا إنت۔
12 ستمبرءَ بلوچی نیوزءَ یک ندارگے شنگ کتگ أت. آ عکسا کراچیءِ جاھمنندیں مردم پہ أرزانتریں نھادےءَ آرت زیرگا سرجم إتنت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت