وت ماں وتی جنگا چار و بمبتراکےءَ دگہ چار بگٹی کشت أنت

مرچی ڈیرہ بگٹی دمگا؛ ماں پیرکوہ بمبتراکےءَ دوجنیں و دو چک کشت أنت۔ جنگ آنلائن شنگ بیتگیں حالا داتگ کہ أحمد علی نامیں مردمے گوں وتی دوئیں جناں و دو چکـّاں جاھے راھی بیتگ۔ ھمے درگتا چیئر گپتگیں بمبے ترکـّتگ۔ إیشیءِ سببا دوئیں جن و دوئیں چک جاه په جاه کشگ بیتگ أنت۔ أحمد علیءِ جند ٹپـّی إنت۔

بگٹیانءِ کشگ بیگءِ یک دگہ حالے ماں روچتاک توار شنگ بیتگ۔ إے حالءِ ردا زییں روچا بگٹی ٹکّءِ دو ٹولیانءِ نیاما ھم جنگے بیتگ۔ إیشیءِ سببا چار کس کشگ و ھشت ٹپـّی بیتگ أنت۔ شہ ڈیرہ بگٹی و سوئی درپدر بیتگ و سند و پنجابءِ سیمسرا نندوکیں إے مردمانءِ مڑگءِ سبب تانگه زانگ نہ بیگا إنت۔

Source: www.balochinews.com