شہ أمریکا سئے 'سنٹراں' ماں پاکستان گوں اودءِ صدر آصف علی زرداری ڈیک وارت۔ سنٹراں لوٹ کت کہ پاکستان گوں بلوچاں وتی جیڑواں رسگا بہ گیشینیت۔ پرچاکہ کہ پاکستانی فوجا إنچو واک مان نیست إنت کہ ملایانءِ کشا کشا گوں بلوچاں ھم بہ مڑیت۔بلوچ ورنا و دگہ لھتے حالجاھاں شنگ بیتگیں حالےءِ ردا أمریکائی کانگرسءِ سئے باسکاں 'کارل لوین'ءِ سرکـشـّیا گوں آصف علی زرداری ڈیک وارت و آییءِ دیما إے خبر إش گيشینت کہ 'ٹرور'ءِ خلافا جنگا ھما وھدی سوبینی رست کنت کہ فوجءِ دلگوش یک نیمگےءَ بہ بیت۔
پاکستان إے وھدی پہ أمریکاءِ 1.6 بلین ڈالرءِ فوجی کمکےءَ سک تکانسر إنت۔ إے کمک پہ منظور کنائینگا أمریکائی سنئٹءِ دیما برگ بیگا إنت۔ پہ إیشیءِ منائینگا ھر یک سنئٹرءِ گپ پاکستانءَ گوشدارگی و منـّگی إنت۔
زرداریءِ ردا أمریکائی کمکا شرطے بندوک کنگ روا نہ إنت۔ آئیءِ باور إنت کہ أمریکا موہ بہ دات تاکہ پاکستان وتی ڈولا ٹرورزمءِ خلافا جنگ ہہ کنت۔ ألبت أمریکائیاں سالاں سال إنت کہ پاکستان إش آزاد یلہ داتہ بیتگ، بلے ھچ ثمرے نہ رستگ و ٹرورزم روچ در دروچ رُدان إنت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت