سرجمیں بلوچ اُستمانا ماں بلوچستان و شہ بلوچستانءَ ڈن گوں وتی تھروزی کاربندی، مچّی و لشکرانءِ کشــّگا وتی نوکتریں شھید رسول بخش مینگلءَ سھریں سلام پیئش کت۔سئے شنبہءِ روچا بلوچستانءِ سرجمیں ھنداں کاربار بند کنگ بیت أنت۔ ھژم گپتگیں نوجواناں سرکاری گاڑی، ماڑیں و دگہ ملکت پروشت پرؤش کت أنت۔ إیشانءِ کشا بازیں بَنکی بُنجاہ ماندارگ بیت أنت۔
ھمے باروا شھید رسول بخش مینگلءِ ماتءِ بیانے شنگ بیتگ کہ آئیا وتی چکّ سرا پھر بستگ۔ قول آئیا "منی چکـّا گوں وتی جانءِ ندر کنگا وتی ماتءِ شیر و سرڈگارءِ حق أدا کت أنت"۔
شہ بی إن إمءِ نیمگا سئے روچی سوگ أنگت برجاہ إنت۔ آدگہ بلوچ سیاسی گلاں إے سئے روچی سوگءِ پلانگری زُرتگ۔
رسول بخشءِ کسانسالیں زھگ شفیقُ الرحمان، شیکلُ الرحمان و أرسلان بلوچءَ وتی پتءِ بندیگیءِ نیاما ماں خضدار پرئس کلبءِ دیما گشتگ أت کہ آوانءِ پت آزادیءِ جھدکارے أت۔ رسول بخش مینگلءَ ألــّما وتی چکانءِ خبر راست ثابت کت۔
Source: www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت