إحسان أرجمندیءَ یلہ دیگ لوٹ کنگ بیت

ماں ناروے یک ظاھرییے دیگ بیت۔ إیشی ملکءِ پارلمنٹءِ دیما إسپین گرینءِ سرکشیا برجم دارگ بیت۔ ناروے جاہ منندیں بازیں بلوچاں ھم ظاھریا بھر زرت۔ آواں شہ ناروے سرکار و سیاستکاراں لوٹ کت کہ پہ ناروےءِ بلوچ شھر وند إحسان أرجمندیءِ آزاد کنائینگا جھد بہ کن أنت۔

ظاھریا بھر زیروک سرکچ دیگ بیت أنت کہ إحسان أرجمندی پاکستانی چاريگانءِ بندیگ إنت۔ ناروے سرکارءِ ذمواری إنت کہ آ پہ وتی إے شھروندءِ رکـّینگا بہ تکـّشیت۔

ھمے درگتا روچتاک توارءَ شنگ بیتگیں بیانےءَ إحسان أرجمندیءِ لوگبانکا پدّر کتگ کہ لوگواجہءِ جان ئی خطرا إنت۔ آئیا دستبندی کتگ کہ إحسانءَ آزاد بہ کن أنت۔ إحسان بے میارا دستگیر کنگ بیتگ۔ آ پہ وتی سیالانءِ چارگا مکرانءَ شتہ بیتگ کہ گندکا رند راھا چاریگاں چکانپتگ۔
Source: www.balochinews.com