ماں مشرقی بلوچستان هفت کس کشگ بیت أنت

پاکستانی حالجاھانءِ ردا بلوچستانءِ أواریں ھنداں گوَستگیں 24 کلاکاں ھفت کس کشگ بیتگ أنت۔ إیشانءِ نیاما ماں سوراب دو کس یک بمبے وتی موٹر سائکلءِ سرا برگا بیتگ أنت کہ بمب ترکـّتگ و ھر دوئیں جاہ پہ جاہ مرتگ أنت۔

سئے کس ماں ڈیرہ بگٹی دمگءِ 'لوٹی' ھندا تیرانءِ دپا دیگ بیتگ أنت۔ إے سئیں کس سرکارءِ پلانگری زیروکیں کٹمےءِ مردم بیتگ أنت کہ موٹر سائکل سواراں تیر جتگ أنت۔ إے بیڑا مرتگینانءِ کشا دو ٹپـّی أنت۔

اودا ماں قلات دو کس بمبتراکےءَ کشتگ أنت۔ إیشانءِ نام سعید أحمد کیتران و منیر أحمد سمالانی ظاھر کنگ بیتگ أنت۔ خیال إنت کہ إیشاں راکٹےءَ کشتگ أنت۔ سعید أحمد خضدار راڈیو إسٹیشنءِ کارمندے بیتگ۔
Source: www.balochinews.com