نشنل پارٹیءِ بنجاھی سروک داکٹر عبدالمالکءَ ماں مستوگ گوں یک دیوانےءَ تران کت۔ إے ترانا آئیا گشت کہ بلوچستانءَ جاھمنندیں بلوچانءِ کشا نیں کراچیءَ نندوکیں بلوچ ھم بے حسابا کشگ بیگا أنت۔روچتاک إنتخابءَ شنگ بیتگیں حالءِ ردا بے میارا بلوچانءِ کشگ بیگءِ سبب داکٹر مالک بلوچءَ ھمے ظاھر کت کہ بلوچ یکجاہ نہ أنت۔ أگر یکجاہ بہ بنت، گڈا شہ سرکارا بگر تانکہ دگہ قوماں ھمت نہ بیت کہ بلوچانءِ سرا بیڑ بہ بر أنت۔
داکٹر مالک بلوچءَ ماں مستوک گوں نشنل پارٹیءَ نوک ھؤر بیتگیں درزناں مردمانءِ إے دیوانا دیمترا درّائینت کہ بلوچ زوراکیءِ آماچ کنگ بیتگ، بلے سرکار بلوچان زوراک پیشدارگا إنت و زوراکی کنوکاں آماچ بیوک ظاھر کنگا أنت۔
آئيا سرکچ دات کہ کراچیءَ جاہ منندیں بلوچاں ڈلک ریچگءِ مقصد آواں شہ اودا درانڈیہ کنگ إنت۔ بلوچانءِ وتی سرڈگارا آوانءِ جاگھا نز آرگءِ دیما دارگ و ساحل - وسایلءِ رکـّينگءِ تچکیں توجیل یکجاہ بیگ إنت۔
پمیشا ضروری إنت کہ بلوچ یک قومی گلے جؤڑ بہ کن أنت و ھمائیءِ تھا یکجاہ بہ بنت۔ إے ردا نشنل پارٹی ھما گل إنت کہ یک قومی گلے جوڑ بیت کنت؛ داکٹر مالکءَ سرکچ دات۔
هیچ نظری موجود نیست:
ارسال یک نظر
وتی کلوا چێرا نبیس إت