وھد وھدءِ سرا بلوچی نیوزءَ ھنچؤشیں حال شنگ کتگ أنت کہ اودا پاکستانءِ تھا بلوچانءِ سرا بیتگیں زوراکیانءِ أواریں تک چارگ بیتگ أنت۔ شہ ھزاراں زوراکیاں یکـّے مھاجرانءِ سازتگیں بلوچاں وت ماں وتا میڑینگءِ پندل بیتگ۔ ھمے پندلءِ ردا إیوکا گوستگیں 10 سالاں کراچیءَ جاھمنندیں بازیں گچینی بلوچ وت براتانءِ دستا شھید کنگ بیت أنت۔ إیشانءِ نیاما لایق ذکر أنور بائیجان إنت کہ مھاجرانءِ پندلانءِ ردا رحمانءِ دستا جنگ بیت۔ پدا وھدے کہ ھمے رحمان وتی نِزوری مار إتنت؛ ھؤش ئی سار کت و بلوچاںءِ خدمگزاریا دِرکّ إت، گڈا مھاجراں کـُشت دئور دات۔
چوناھیا بچارئے شہ بلوچاں گيئشتر پاکستانءَ جاھمنندیں آدگہ قومانءِ مردماں مھاجرانءِ دستا لٹ وارتگ۔ ألبت آواں چؤش کہ میشاں چم جھل کتگ أنت۔ پرچاکہ کراچیءِ تھا کاربار کنگا أنت و بازیں سیت إش رسگا إنت۔ کراچیءِ واھندیں بلوچانءِ بے بھتی و کم سرپدیءِ سببا بادے مرچی اودا مھمانانءِ وڑا آ زند گوازینگا أنت۔ إیشیءِ کشا ناتپاکیءِ آماچ أنت۔ شہ وانگ دربرگ و ألکاپیں روزگارا ھم زبھر أنت۔
وتی نزوریانءِ آماچیں ھمے بلوچانءِ سرا سرجمیں ملکی واکانءِ زوراکیانءِ سربُرا مھاجرانءِ وبالا ھم گوَر جتگ أنت۔ ھمے مھاجر برے بگندئے گوں ملایاں گولايیش أنت و بلوچ ملایاں کش أنت، برے گوں پی پی پی جنگا أنت و پی پی پیءِ بلوچ باسکان کش أنت، و دگہ رندے بگندئے گوَم إش راست کت و قومدوستیں بلوچ چاگردی، و سیاسی جھدکار إش گچین کت و کشت أنت۔
پہ ھما کساں کہ شہ مھاجرانءِ زوراکیاں سرپد أنت و آوانءِ مردمکشی کارکرد إش چارتگ إنت؛ ألکاپیا پدّر انت کہ مھاجر جیڑواں بُندات کن أنت و ھما أولسرا وتی مخالفاں شرّیں چؤپگے دی أنت، رندا نِند أت گریو أنت یا چپتگینکانءِ سرا دست إیرموش أنت۔ نوکتریں بیڑ کہ إیشاں بلوچانءِ سرا بُرت ھم ھنچؤش إش کت۔ أولی بیڑا 9 بلوچ إش شھید کت أنت۔ رندا گریو زاریا لگّ إتنت۔ بادے مرچی خونواریں ألطافءِ بیان آیگا أنت کہ آ بلوچانءِ دوست إنت۔
بلوچاں زانگ لوٹیت کہ آوانءِ کشا نندوکیں مھاجرانءِ کاری راھبند چونکا أنت۔ پدا بلوچ ڈاہ بہ بنت کہ خونءِ حساب إیوکا گوں أخباری بیان یا پرئس کلبانءِ دیما اوشتگ و کوکـّار کنگا گِرَگ نہ بنت۔ پمیشا شہ ھرچیز پیسرتر بہ مار أنت کہ مھاجر جیڑہ بلوچانء جیڑہ نہ إنت۔ پنجابی، پٹان و سندی یا شیعه و سنی وتی جنگاں مھاجرانءِ خلافا وت بہ مڑ أنت۔ ألبت ھنچؤشیں وھدےءَ کہ بلوچاں کوشارینگءِ پندلے سازگ بیت، گڈا بلوچ پہ وتی رکـّینگا وڑے ساڑی بہ بنت کہ آوانءِ سرا بیڑ آروک و بیڑ آروکانءِ اوبادگ عبرت بہ کن أنت، و کلہ راہ بہ دی أنت کہ دگہ بَرا بلوچانءِ سرا حملہ مہ بیت۔
هیچ نظری موجود نیست:
ارسال یک نظر
وتی کلوا چێرا نبیس إت