گوادرءَ دو سفارتی کارمندانءِ دستگیریا أمریکاءِ سفیر بژنیگ کت

بی بی سی اردوءِ ردا أمریکاءِ سفارتخانوا یک بیانے تالان کتگ کہ آئیءِ تھا پاکستانی واکانءِ دستا سفارتءِ کارمندان دلسیاہ کنگءِ کارکرد إیر جنگ بیتگ۔ و شہ پاکستان لوٹ کتگ کہ درملکی سفارتانءِ کارمنداں سرجمیں آسراتی و آسودگی بہ دات۔

إیشیءِ جوابا ماں بلوچستان نندارینتگیں پاکستانی واکاں گشتگ کہ أمریکاءِ سفارتا کارمندیں سئے پاکستانی کہ دستگیر کنگ بیتگ أنت، أصلا یک نقلی نمبرے لچّینتگیں گاڑییےءَ سوار شہ تربت دیم پہ گوادر راھی بیتگ أنت۔

حالا داتگ کہ چارشنبہءِ روچا أمریکاءِ سفارتءِ دو کارمند و یک سندی پولیس 'إسکورٹے' ماں گوادر دارگ بیتگ أنت۔ إے سفارتکار أصلا پہ أمریکائی سفیرءِ ترّتابءِ بندبست کنگا تربت شتہ بیتگ أنت۔ سفارتکار واھوک إنت کہ بلوچستانءِ پدمنتگیں دمگاں ترّتاب بہ کنت۔

بلوچی نیوز داٹ کام