کچکول علی أڈوکئیٹ پہ سلامتی ماں یورپ سر بیت

بلوچ حال آنلائن شنگ بیتگیں حالےءَ داتگ کہ مشرقی بلوچستانءِ پارلمنٹءِ سرکار مخالف باسکانءِ پیسری سروک واجہ کچکول علی أڈوکئیٹ شہ پاکستان چیرکائی درکپتگ و پہ سلامتی یورپءَ سر بیتگ۔ آئی ماں یورپ سیاسی پناہءِ دستبندی کنگا دلمانگ إنت۔

شہ روچتاک إنتخاب زرتگیں حالا دیمترا دیگ بیتگ کہ کچکول علی بلوچ ماں بلوچستان جنگ و دئور دیگ بیتگیں بلوچ راھشون شھید غلام محمد بلوچ، شھید لالا منیر بلوچ و شھید شیرمحمد بلوچءِ دستگیریءِ شاھد إنت۔ کچکول علی بلوچءَ گشتگ أت کہ سئیں شھید سرکاری چاریگاں دستگیر کتگ و برتگ أنت۔

غلام محمد بلوچ، شیرمحمد بلوچ و لالامنیر بلوچءِ دستگیریءِ شاھدیا دیگا پد کچکول علی بلوچءَ ترس درشان کتگ أت کہ چاریگ آئیا ھم دستگیر و بیگواہ کن أنت.

نوکتریں حالےءِ ردا کچکول علی بلوچءَ روچتاک إنتخابءِ دفتر سھیگ کتگ کہ آئی پہ پناہ زیرگا یورپءَ نہ شتگ۔ یورپءَ روگءِ مقصد ترّتاب و وتا داکٹری کنائینگ إنت۔

بلوچی نیوز داٹ کام