ٹپائے بلوچی آزمانکء باروا -صورت خان مری

بلوچ سیاست پیلوئیا پاکستانی سیاستءِ نقل إنت۔ چؤشیں سیاستءِ راہ و راھبنداں گوں بلوچی قدر و أخلاق ھچ کار نیست إنت؛ پٹھانی دوکانداری إنت۔

إے رنگیں دوکاندارءِ 'ھٹ'ءَ نشتئے، گڈا آئی دوکانداریءِ أنداز، چیزانءِ گرانیں نھاد و ٹوک ٹوکا قسم ورگءِ سرا أگر إیراد گپت إت، گڈا دوکاندار پہ مڑگا سمبریت۔

ھنـّی بلوچءِ سیاست و سیاستکاری نہ تنقید برداشت کنت، نہ بتصرہ لوٹیت۔ دوستریں دگ زبان بندی، ھو، واہ، سبحان اللہ أنت۔ چؤش بہ گش کہ لکھنوی مشاعرےءَ نندوکئے...