جندا۔۔۔ءِ و مشرقی بلوچستانءِ قومدوستیں جھد باز فرق کن انت: بی ان ام

بلوچ نشنل موومنٹءِ شنگ کتگیں بیانےءَ داتگ کہ مشرقی بلوچستانءِ قومدوستیں جھد په وتی سرڈگارءِ آزاد کنگا انت۔ البت جندا۔۔۔ ایرانی استمانءِ حقانءِ پانکا جنت۔ ایشیءِ کشا کشا سنی فرقہءِ گپا کنگءِ کارکرد آوانءِ مذھب پرستیا پیشداریت۔

مشرقی بلوچستانءِ قومدوستیں جھد مذھبءِ ناما قوماں بھربانک کنگءِ خلافا انت۔ ایش ظاھر کنگا انت کہ جندا۔۔۔ و بی ان افءِ نیاما باز فرق ھست انت۔

بی ان امءِ حالرسانیں کارگشادءِ بیانا دیمترا خبر پدّر کتگ کہ جندا۔۔۔ءِ رابطہ گوں مشرقی بلوچستانءِ قومدوستاں ھچبر نہ بیتگ۔ ھنـّی ھم مارا آوانءِ پروگراما گوں تپاکی نیست۔ پمیشا تناوھدی کہ ھستیں فرق نہ گیشتگ انت بی ان اف ھچ دگہ گل یا ٹولیءِ پلانگریا زرت نہ کنت۔

بی ان امءِ بیانءِ ردا گلءِ سریں جھدکار قاضی دادمحمد ریحان، شبیر نور، اسحاق رحیم و دگہ باسکاں گوں بلوچ نشنل فرنٹءِ حالرستانیں کارگشاد عبدالوھاب بلوچءَ ڈیک وارتگ و جندا۔۔۔ پلانگریا هنیگاں بیوکیں بی ان افءِ ظاھری اش چست ایر کتگ انت۔

جھدکاراں ھمے ضرورتءِ سرا زور پرداتگ کہ تپاکیا جوڑ کنوکیں سئیں خبرانءِ سرا بی ان اف وتی جھدا دیما بہ بارت۔

"ھنچوشیں کار کہ آوانءِ کنگا ھوریں گل تپاک نہ انت، گيئشتر چست ایر به بنت۔ جندا۔۔۔ءِ پلانگریا زیرگءِ ردا بی ان ام ھمخیال نہ انت، پرچاکہ بازیں خبرانءِ سرا مارا گوں آوان اختلاف ھست" بیانا سرکچ دیگ بیتگ.