پاکستانءِ چاریگانی دستگیر کتگیں بلوچ خان نامیں دگہ بلوچے کشگ و جسد ماں تلپیں جاھےءَ رنبینگ بیتگ۔ بلوچ خان بُندرا ماں کپر –پسنی جاھمنند بیتگ۔ پہ وتی گھارےءِ دوا درمان کنائینگا سئے ماہ ساری کراچیءَ شتہ بیتگ۔ پدا چھر کنگءِ مقصدا آئی ماں کراچی بسانی ٹرمینلا ٹکٹے زیرگا شتہ بیتگ۔ ٹکٹ زیرگا پد وھدے چھر ئی کتگ، گڈا پاکستانی چاریگاں شہ راھا چست کتگ۔
ھمے درگتا بلوچ خانءَ وتی برات ٹلفن جتگ و سھیگ ئی کتگ کہ آئی چکانپگ بیگا انت۔ چکانپوکاں ٹلفنءِ سرا گشتگ کہ دئومی روچا یلہ دیگ بیت انت۔ البت سئے روچا پد آئیءِ جسد ماں کراچیءِ ھند گولیمارءَ نزیکا شہ پُھلےءِ چیرا دستا کپتگ۔ بلوچ خانءِ جسدا ھچ ٹپ پر نیست انت۔ آئی برقی کرنٹ جنگ، کشگ بیتگ۔ روچتاک انتخاب
چدا پیسر 6 آگستءَ پاکستانی حالجاھاں خبر تالان کتگ ات کہ پاکستانءِ چاریگانی دستگیر کتگیں دو بلوچانی جسد ماں کوئٹہ دستا کپتگ انت۔ ایشانی نام بھار خان بنگلزئی و غلام قادر مری ظاھر کنگ بیتگ انت۔ ھر دوئیں کس تیر جنگ، کشگ بیتگ انت۔ بلوچ ورنا
جولائی 27ءَ ھم دو دستگیر بیتگیں بلوچانی تیر آماچیں جسد شہ کوئٹہ مردمانی دستا کپتگ اتنت۔ ایش مئے 2009ءَ دستگیر کنگ بیتگ انت۔ نام اش اشفاق ملازئی و فاروق مینگل شنگ بیتگ انت۔ بلوچ ورنا
هیچ نظری موجود نیست:
ارسال یک نظر
وتی کلوا چێرا نبیس إت