"شھید مھرنھادءِ سرجمیں گپ راجپھازی گپ انت۔ آئیا چاگردی جھدءِ راھا وتی قوم ڈاہ دات۔ مئے سرا فرض انت کہ آئیءِ گپاں الکاپیا بہ وانیں و پوہ اش بہ بییں" کچکول علی اڈووکٹءَ ماں ناروے برجم دارگ بیتگیں دیوانءِ دیما گشت۔ دیوان شھید مھرنھادءِ شھادتءِ دئومی سالروچءِ درگتا دارگ بیتگ ات۔
بی یو سی نیوزءَ شنگ بیتگیں رپورٹا دیمترا داتگ کہ ماں دیوانا ناروےءَ جاھمنندیں بازیں بلوچاں بھر زرتگ۔ گپ کنوکانی نیاما پرویز لاشاری، حفیظ حسن آبادی و غفور دانشور گوں بیتگ انت۔ گپ کنوکاں اے راستی درشان کتگ کہ شھید مھرنھادءَ وتی جھدءِ راھا بلوچ قومءِ زبھری دنیاءِ دیما ظاھر کتگ انت۔ اے تچک و راستیں خبر ایرانی ملایاں اوپار کت نہ کت انت۔ پمیشا مھرنھاد اش لوپ کت، کشت۔
هیچ نظری موجود نیست:
ارسال یک نظر
وتی کلوا چێرا نبیس إت