انڈس دمگا سیلاب یکـّے شہ سکتریں قدرتی تباھکاریاں انت

داتگیں عکس بلوچستانء شھر جعفر آبادئے انت کہ آپا چیر ترّینتگ۔ دمگء کماشیں سیاتکار میر ظفراللہ جمالیء گشگ انت کہ پاکستانی سرکارا پہ زانت آپء دیما بستگیں بندے پرؤشتگ و آپ ماں اے شھرا پترتگ۔

ایلم ویبسائٹا داتگیں تبصروےء ردا "ماں جنوبی اشیاءَ آتکگیں سونامی، 2005ءَ ماں کشمیر بیتگیں زمین چنٹ و 'ھیٹی'ءَ آتکگيں نوکتریں زمین چنٹءِ آماچاں ھور کن، انڈس دمگا آتکگیں ھنوگیں سیلابءِ تباھکاری انگت گيئشتر انت"۔
البت آماچیں مردمانی کمکءِ بدلا پاکستانی فوج ماں بلوچستان سیاسی جھدکارانی کشگا دستگٹ انت۔

دنیاءِ گيئشتریں کوّاسانی خیالا اے سیلابءِ سببا پاکستانءِ دیمروی 10 سال پشتا رئوت۔ کشا کشا ملک شہ واکدارانی دستا درکپیت و اودا ملایانی راج بیت انت۔ باریں پرچا ملایانی بدلا بلوچستانءَ بلوچانی، سندءَ سندیانی و پنجابءَ پنجابیانی راج نہ بیت انت؟ باریں بلوچانی گورا ایشیءِ جواب ھست؟