نامداریں بلوچ شاعر و ندکار میر احمد دھانی بیران بیت

پاکستانی حالجاہ 'ڈان'ءِ تالان کتگیں حالےءِ ردا نامداریں شاعر و کوّاسیں ندکار میر احمد دھانی ماں کراچی بیران بیتگ۔ آئیءِ عمر 85 سال ات و دیریگینے نادراہ بیتگ۔

میراحمد دھانیءِ نماز جنازہ گوستگیں چارشنبہءِ روچا ماں کراچیءِ بلوچ ھند چاکیواڑہءِ عیدگاھا وانگ بیتگ۔ پدا ماں میوہ شاہ گورستانا جسد اش کلّ کتگ۔

میراحمد دھانیءَ بازیں بلوچی شعر نبیستگ انت۔ آئیءِ شعرانی لھتے کتاب ھم شنگ بیتگ انت۔ آئیا گوں وتی شعراں چاگردی نزوری ظاھر کتگ انت۔ کشا کشا انقلابی شعر ئي ھم نبیستگ۔

میر احمد دھانیء نامداریں شعراں شہ یکـّے دبئی والا زامات، آئی جن و وسیگءِ قصّہ انت۔ اے طنزی شعرءِ تھا آئیا الکاپیں وڑےءَ لھتے چاگردی نزوری ظاھر کتگ انت۔ اوکل کتگیں اے شعر بلوچی گوشداروکاں سک دوست بیت انت۔

"@"

چیرا داتگیں انقلابی سوت یکـّے شہ میر دھانیءِ نامداریں سوتان انت کہ بی اس اوءِ دیواناں بلوچ گشندواں باز براں اوکل کتہ بیتگ۔

پادا ات ! شاعر: میر احمد دھانی

دوست و همـــبلان پـــادا ات

پروشت سنــــــکلان پادا ات

پـــــادا گوش کتگ نـون باما

سُهری شنگ کتگ گور باما

بـل ات گـــنـدلان پــــادا ات

دوست و همبلان پـــا دا ات

پــــادا که سباه و روچ انت

مُـــرگانی توار و موچ انت

بــــولانــی یـــلان پــادا ات

دوست ءُ همبلان پــــادا ات

دُنیا دنـز انت و تامـور انت

تو پان و مُج انت و هور انت

زنڈیـن ترونگل انت پادا ات

دوست و ھمبـلاں پـــادا ات

حالجاہ: پھرہء منـّتا۔