مروچی بلوچستانءِ اڑ و جنجالان ما و شما پهکانی دیما انت. بلوچستان گوں نازوک و مشکلیں دئورےءَ گر چیل انت. ایران و پاکستان بلوچ راجءِ نسل کشیا تیزیا دیما بران انت.
سجهین بلوچستان چه وتی شیرمزارانی خونان سهر انت. هر یک پِٹءِ خون یک سهرین پِلے رُودینیت، اے پُل بلوچ راجءِ نوک باهندین پُسگ و دُهتگ انت. هر یک اَرسی ترمپ که رچیت آ چوش که چهبار و گوادرءِ زرءِ چولان زالم و خون وارین پاکستان و ایرانءِ اسلامی رجیمءِ سلاحبندین فوجی و پاسداران لپاشان و روان انت.
بلوچستانءِ راج چه وتی دانشورین قوم و راجی تنظیم و پارٹیان لوٹیت که آ وتی ماتین گُل زمینءَ؛ وتی ننگ و ناموسءَ مان اے نازروکین وهدا ایوک مئیل انت.
گون ایرجنگ و ناحقین بهتان جَنَگ و هنچوش ٹگی و پلینڈی یا ناتپاکی بلوچ راجءِ حق حاکمیتءِ جهد تاوان بار بوتگ و بوئگا انت.
من چه بلوچستانءِ راجی زرمبش، بلوچستانءِ اُستمانءِ گل و هنچوش اے دگه روشینخیالین بلوچ دانشور و کواسان دزبندی کنان که بلوچ راجءِ جُنزءَ الکاپیءَ گیش و گیوار بکن انت. پدا گون تپاکیا جهدا دیما به برانت.
ماتین گُلزمین چه مغربی و رودراتکی بلوچستانءِ بلوچ جهد کاران دزبندی کنت که آ چه وت مان وتی کشت و کوشا دستان کش انت. چیا که ادان صرف پاکستانءِ زالمین انتلجنٹ سرویس و فوج و ایرانءِ اسلامی رجیمءِ سلاح بندین حکومت و آئیءِ خونوارین پاسدار سوب برانت وبس.
منی خیالا اے ماحولا پارلیمانی و مسلحانه جهد هر دوئین لازمی انت. اے دوئین گون تپاکی و هورکاریا وتی جهدا دیما ببرانت. چیا که بلوچ راجءِ حقوق ایوکین مادن تپاکی و هوری انت.
2010 سپتمبر
دلگوش: داتگین سیاهگءِ رهبند گون بلوچی نیوز راهبندا همدپ دیگ مقصدا کموک بدلینگ بیتگ.
دلگوش: داتگین سیاهگءِ رهبند گون بلوچی نیوز راهبندا همدپ دیگ مقصدا کموک بدلینگ بیتگ.
هیچ نظری موجود نیست:
ارسال یک نظر
وتی کلوا چێرا نبیس إت